დღეს ძალზედ სამწუხარო ინფორმაცია გავრცელდა. დაიღუპა ნამდვილი ლეგენდა, უამრავი თაობა აღიზარდა მისი სიმღერებითა, თუ ფილმებით. სამწუხაროდ გარდაიცვალა ჩვენი ქვეყნის დიდი ისტორიის დიდი ადამიანი ბუბა კიკაბიძე.ენმ-ის წევრი გიორგი ჩალაძე მომღერალ ბუბა კიკაბიძესთან ბოლო შეხვედრას იხსენებს. როგორც ჩალაძის მიერ გამოქვეყნებულ პოსტშია ნათქვამი, სიკვდილთან მებრძოლი ბუბა კიკაბიძის ერთ-ერთი უკანასკნელი სიტყვა მოისმინა.
„ბოლოს კლინიკაში რომ მოხვდა მაშინ ვნახე. ფაქტობრივად გათიშული შეაღვიძეს. ძლივს გაახილა თვალი, ოდნავ ასწია ხელი და შემდეგ ვაჟკაცურად – რუსეთის დედაო!
ამით დაასრულა. კაცი იყო ბუბა“, – წერს გიორგი ჩალაძე.
ცნობისთვის, ბუბა კიკაბიძე იყო საქართველოს სახალხო არტისტი (1980), სსრკ-ის სახელმწიფო პრემიის ლაურეატი, მრავალი საერთაშორისო სიმღერისა და
კინოფესტივალის ლაურეატი. კავალერი ორდენების: ღირსების, ვახტანგ გორგასლის III ხარისხის, ნიკოლოზ საკვირველთმოქმედისა და წმინდა კონსტანტინე დიდის ჯვრის რაინდი.
1999 წელს თბილისის საპატიო მოქალაქე გახდა. 1999 წელს მოსკოვში „ვარსკვლავების მოედანზე“ მისი სახელობის ვარსკვლავი გაიხსნა.
2020 წელს საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა – გაერთიანებული ოპოზიცია „ძალა ერთობაშია“.
