„გურია თუდეი“ სამწუხარო ინფორმაციას ავრცელებს და უკრაინაში დაღუპული კიდევ ერთი ქართველის შესახებ წერს.„ლანჩხუთური ფესვების მქონე გიორგი გორელიშვილი რუს ოკუპანტებთან ბრძოლაში დაიღუპა. იგი ქალაქ ოდესაში ცხოვრობდა და უკრაინაში რუსების შეჭრის პირველი დღიდანვე იცავდა თავის მეორე სამშობლოს.
გიორგი ხშირად სტუმრობდა ლანჩხუთს, სოფელ მაჩხვარეთში
ჰყავს ნათესავები. მისი მამა ნუგზარ გორელიშვილი აფხაზეთში საქართველოს ერთიანობისთვის იბრძოდა“,- წერია ინფორმაციაში.
