ახალგაზრდა პოეტი დათა გულია 18 წლის ასაკში 2003 წლის 27 ოქტომბერს ავტოკატასტროფაში დაიღუპა. დღეს დათა გულუა 38 წლის გახდებოდა. ახალგაზრდა პოეტმა სულ რაღაც 18 წელი იცხოვრა და ტრაგიკული სიკვდილი თავისი ლექსებით იწინასწარმეტყველა.უწმინდესისა და უნეტარესის, სრულიად საქართველოს კათოლიკოს-პატრიარქის, ილია მეორის გადაწყვეტილებით, დათა ნარიყალაზე მდებარე წმინდა ნიკოლოზის სახელობის ეკლესიის ეზოშია დაკრძალული. ხოლო ნარიყალაზე მიმავალ ქუჩას, დათა გულუას აღმართი დაერქვა.
2009 წლის აგვისტოში მწერალთა და მთარგმნელთა საერთაშორისო ფესტივალზე, დათა გულუას ოქროს მედალი მიენიჭა ნომინაციაში „სიტყვიერების დიდოსტატი“ მაღალი პროფესიონალიზმის, ლიტერატურისა და ნაციონალური კულტურის განვითარებისა და წინსვლის საქმეში შეტანილი წვლილისათვის. მწერალთა კავშირის გადაწყვეტილებით, დათა გულუას ლექსები შეტანილია “ქართული პოეზიის ანთოლოგიაში”.
