თამარ ბაჩალიაშვილის ოჯახს ორშაბათს სოციალურ ქსელებიდან აღდგენილ მასალებს გააცნობენ, რაც გამოძიებამ ამერიკის შეერთებული შტატებიდან მიიღო.
გარდაცვლილის მამა, ჯუმბერ ბაჩალიაშვილი ამბობს, რომ ამერიკის ფედერალური ბიურო საქმეში ნაწილობრივ უკვე ჩართულია.
“გუშინ, ბატონმა ირაკლი შოთაძემ მოგვაწოდა ინფორმაცია, რომ საქმეში ნაწილობრივ ჩართულია ამერიკის ფედერალური ბიურო.
წაშლილი ინფორმაცია სოციალური ქსელებიდან ნაწილობრივ აღდგენილია.
სავარაუდოდ, მნიშვნელოვან ინფორმაციაზეა საუბარი. FBI ჩაერთვება ექსპერტიზის მიმართულებით. საქმემ ერთი ნაბიჯით წინ წაიწია, ამ კაცმა გულთან ახლოს მიიტანა და ვენდობით მას. შეხვედრები პერიოდულად იქნება”, – განაცხადა ბაჩალიაშვილმა.
წყარო: geonewest.com
