“ჩემი შვილი გათხოვდა უკვე დიდი ხანია… რამდენი ხანიც შევძელით, დავმალეთ” – ცოტა ხნის წინ ცნობილი გახდა, რომ ნინი ქარსელაძე შეყვარებულია და მისი რჩეული ბიზნესმენი 38 წლის თაზო ჯახუტაშვილია. მედიაში გასულ ინფორმაციას “ფეისბუქით” გამოეხმაურა ნინის დედა, ხათუნა ჟორდანია და დაწერა, რომ მისი შვილი უკვე დიდი ხანია გათხოვდა და ამ ამბავს ოჯახი მალავდა.
რადგან ბევრმა სააგენტომ გაავრცელა, დავწერ მეც! ჩემი შვილი გათხოვდა უკვე დიდი ხანია… რამდენი ხანიც შევძელით, დავმალეთ. ახლა კი საქვეყნოდ ვამბობ, მადლობა უფალს ყველაფრისთვის! ჩემი ჯანმრთელობისთვის, მშვიდობისთვის და განსაკუთრებით იმ ბედნიერებისთვის, რომელიც ჩემს შვილს და ჩემს ოჯახს გამოუგზავნა. და
ამ დიდ ბედნიერებას თაზო ჯახუტაშვილი ქვია.ულევი სიყვარული და ბედნიერება თქვენ” – წერს ხათუნა ჟორდანია. წარმოშობით ბათუმელი ჯახუტაშვილი ბავშვობიდან თბილისში ცხოვრობს. მას უკვე ჰყავდა ოჯახი, მეუღლეს დაშორდა და ორი შვილი ჰყავს. ჯახუტაშვილის ფოტოები არც ერთ სოციალურ ქსელში არ იძებნება, თუმცა მისი მიკვლევა საიტ Одноклассник-ზე შევძელით. წყარო AMBEBI.GE-ს უყვება, რომ თაზო 3 წლის იყო, როცა მამა დაეღუპა, დედა კი მეორედ დაოჯახდა და ჯახუტაშვილი ფაქტობრივად მამობილმა, ბიზნესმენმა თამაზ ნიჟარაძემ გაზარდა. თაზო ჯახუტაშვილის სახელი და გვარი პანამის იმ დოკუმენტებში ფიგურირებს, სადაც გამოქვეყნებულია ქართველი მილიონერების სია. ამ სიაში ვხვდებით ისეთ ცნობილ სახელებსა და გვარებს, როგორებიცაა: ბიძინა ივანიშვილი, დავით იაკობაშვილი, ვანო ჩხარტიშვილი, კობა ნაყოფია და სხვები…
წყარო:geonewest.com
