დუტა სხირტლაძის ქალიშვილი, ნინი მხატვარი გახლავთ. ის სასურველ პროფესიას იტალიაში ეუფლება და მიაჩნია, რომ ყველაზე სწორ გარემოში მოხვდა, თუმცა, სამშობლოსგან შორს ყოფნა, რა თქმა უნდა, მარტივი არ არის.
ნინი ჟურნალ „თბილისელებს“ ესაუბრება.
ნინი სხირტლაძე: უკვე ორი წელია, რაც იტალიაში ვცხოვრობ და ვსწავლობ. სამხატვრო აკადემიის მესამე კურსის სტუდენტი ვარ. საერთოდ, იტალიაში საოცარი გარემოა, განსაკუთრებით კი ჩემი სფეროს წარმომადგენლებისთვის. რომი ხელოვანებისთვის ზედგამოჭრილი ადგილია და მიხარია, რომ აქ ვარ.
