ავტოსაგზაო შემთხვევა თბილისში, ორთაჭალაში მოხდა. „ტოიოტა პრიუსის“ მარკის ავტომობილის მძოლმა საჭე ვერ დაიმორჩილა, გზის სავალი ნაწილიდან გადავიდა და ელექტროსადენის ბოძს შეეჯახა.
როგორც შსს-ში აცხადებენ , ავტომობილს ცეცხლი შეჯახებისას გაუჩნდა, მანქანაში 2 ადამიანი იმყოფებოდა. მამაკაცმა ცეცხლმოკიდებული ავტომობილიდან თავის დაღწევა ვერ მოახერხა . ქალი საავადმყოფოში გადაიყვანეს.
შსს-ს ცნობით, გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რასაც მსხვერპლი მოჰყვა.
წყარო: tv4.ge
