ძალიან ცუდი ფაქტი მოხდა გუშინ საღამოთი. ახალგაზრდა გოგონა, 16 წლის ელენე ბაშარული ქუჩაში ძაღლს ასეირნებდა, რა დროსაც მას მანქანა დაეჯახა, გოგონა სასწრაფო დახმარების მოსვლამდე, ადგილზე გარდაიცვალა.
ელენე ნაციონალური მოძრაობის წევრის მარიამ ბაშარულის ბიძაშვილია. როგორც გოგონას ახლობელი ამბობს ელენეს დედ-მამა არ ჰყავს და მას სწორედ მისი ბიძაშვილი მარიამი ზრდიდა. მათ შორის ასაკში დიდი სხვაობა არაა თუმცა ელენეს მარიამი დედობას უწევდა. (ელენე დედამ დაბადებისთანავე მიატოვა).
ელენეს გამზრდელმა მარიამმა ცოტახნის წინ სოც ქსელში დაწერა: ”მიწიდან ამოგთხრი, ჯოჯოხეთს მოგანატრებ !!” ამ პოსტის ადრესატი ის ადამიანია ვინც ელენეს მანქანით დაეჯახა და მიიმალა.
ცნობისთვის, გუშინ საღამოს რუსთავში, რუსთაველის ქუჩაზე ავტომობილი ქვეითად მოსიარულე გოგონას დაეჯახა, რის შემდეგაც მძღოლი ადგილიდან მიიმალა. თვითმხილველის თქმით, გოგონა ძაღლს ასეირნებდა და გზაზე გადადიოდა, რა დროსაც მას მაღალი სიჩქარით მოძრავი ავტომობილი დაეჯახა.
16 წლის ელენე ბაშარული სასწრაფოს მოსვლამდე, ადგილზე გარდაიცვალა. შსს-მ ფაქტზე გამოძიება გარდაცვალებით დასრულებული ავტოსაგზაო შემთხვევის მუხლით დაიწყო (274-ეს მე-6). როგორც
გაირკვა, მძღოლი ჯერჯერობით დაკავებული არ არის, თუმცა მისი ავტომანქანა იდენტიფიცირებულია.
