ექიმების მთავარი მოთხოვნაა – უნდა დავცილდეთ ფიზიკურად ერთმანეთს, რომ მომავალ წელს გაზაფხული ვნახოთ, მხოლოდ ეს გადაგვარჩენს. რატომ გავბრაზდით? როცა თქვენთვის ვმუშაობთ, თქვენც უნდა მიიღოთ საზოგადოებამ, რომ დარჩეთ სახლში, – ამის შესახებ პირველი საუნივერსიტეტო კლინიკის დირექტორმა, ლევან რატიანმა „პალიტრანისუსის“ ეთერში განაცხადა.
მისი თქმით, ძალიან ცუდი წარმოსადგენია, რაც საავადმყოფოში ხდება.
ჩემი როგორც ექიმის პრეროგატივაა ყველას ვუთხრა: ღმერთმა საავადმყოფოში ამ დაავადების გართულებით ნუ მოგახვედროთ. ძალიან ცუდი წარმოსადგენია რაც აქ ხდება… ჩვენ ექიმებმა რაც დავინახეთ, ნეტა არ გვენახა! ესაა მომენტი, როცა ადამიანი იხრჩობა და შველას გთხოვს. ეს არ ხდება ეტაპურად, ეს ხდება წამებში და წუთებში…
ყველაზე დიდი წყევლაა “უნდინას წყევლა”, რაც ნიშნავს რომ თავის ტვინი ითიშება და სუნთქვის უკმარისობით კვდებიან ადამიანები. ზუსტად “უნდინას წყევლის” სუნთქვის უკმარისობით მიმდინარეობს ეს დაავადება და ნუ გამოიწვევს ჩვენი მოსახლეობა მას, დავრჩეთ სახლში და არ გადავდოთ ერთმანეთს, რომ არ მოვკვდეთ” – განაცხადა ლევან რატიანმა.
