სოციალური ქსელ TikTok-ზე ხშირად შეხვდებით გამოწვევებს, რომელიც ადამიანის სიცოცხლისთვის საშიშია, თუმცა მთელს მსოფლიოში ვირუსულად ვრცელდება და უამრავი მომხმარებელი ებმება. ერთ-ერთი მათგანის დროს “ჩელენჯის” მონაწილეების ტვინს არ მიეწოდება საკმარისი რაოდენობით ჟანგბადი და საბოლოოდ, შედეგად სიკვდილი დგება.
გამოწვევა ახალი არ არის, თუმცა სოციალურ ქსელში მას დღემდე უამრავი მომხმარებელი მიმართავს. აშშ-ის დაავადებათა
კონტროლის ცენტრის (CDC) ინფორმაციით, სახიფათო თამაშს 80 ადამიანზე მეტის სიცოცხლე ემსხვერპლა. გასულ წელს ამ დავალების შესრულებისას ოთხი 12 წელს ქვემოთ ბავშვი გარდაიცვალა.
“ამ დროს ტვინს იგივე ემართება, რაც ხდება დახრჩობის, ან გულის შეტევის დროს. თუ ტვინს 3 წუთის განმავლობაში არ მიეწოდება ჟანგბადი, ის ზიანდება და შედეგად, შესაძლოა, სიკვდილი დადგეს,” – ამბობს ექიმი ნიკ ფლინი.
