შოვში მომხდარი სტიქიიდან 28-ე დღეს დამეწყრილ ხეობაში და მის მიმდებარედ, ორ დაკარგულს ისევ ეძებენ. ძებნა იქამდე გაგრძელდება, ვიდრე მათი პოვნის მცირე შანსიც იარსებებს.
სტიქიის ეპიცენტრი სრულად არის შესწავლილი. დაკვირვება გრძელდება მდინარე ჭანჭახისა და რიონის რამდენიმე ათეულ კილომეტრზე. 31 ნაპოვნი დაღუპულიდან, 29 იდენტიფიცირებულია.
დღეს დადასტურდა 4 წლის გიორგის გარდაცვალება.
„ამდენი წამების შემდეგ, დღეს სახლში დაბრუნდები, ჩემო გიო. ცოტა დაისვენე დაღლილი იქნები. მერე დედიკოსთან და ბებოსთან გაიქეცი და ჩაეხუტე. მელოდე, მალე მეც მოვალ“ – წერს ოჯახის ახლობელი.
